MISAKA na sa 14 ang ihap sa personalidad sa GenSan nga gikataho nga nawala, ang ihap gikan Abril, 2021 hangud atong Enero 2022. Asa ulahing nawala atong Enero 26 mao silang Jason Inojaldo, 21; Glenndale Saranillo 17 ug Arsenio Sardido, 40-anyos.
Matud sa igsuon ni Saranillo, unang na-missing si Sardido nga pugsanong gikuha sa wala mailang tawo ug gikasakay sa itum nga pick-up. Samtang misunod si Inojaldo ug iyang igsuon nga pulos nakitang gipasaka sa maong sakyanan. Matud ni PMajor Rexor Jake Canoy, labaw sa Investigation and Detection Management Branch (IDMB) sa GenSan City Police.
Ang kaso nilang Saranillo, Inojaldo ug Sardido ang naa pa sa level sa San Isidro Police Station sa karon. “So far sa ngayon missing kasi di pa nakikita but eventually we are preparing for filing of legal, kidnapping talaga ang ipa-file naming sa kanila considering the fact na matagal, sa ano naming naggawas na kami ng task force dyan eh, missing yung ano naming,” asoy ni Canoy.
Samtang ang kaso sa pagkawala sa magsuong Velasquez, Dennis Muaña ug ang walo ka batan-on ang kasamtangan nilang giimbestigahan. Giangkon ni Canoy nga kakulangon sa ebedensiya ang nagpugong kanila sa hingpit nga pagpasaka og kasong kidnapping batok sa natumbok nilang mga tawo nga nagpaluyo sa pagkawala sa mga indibidwal.
Una nang, giangkon sa pamilya pipila ka na-missing nga bag-o nawala ang ilang kabanay nalambigit kini sa krimen sama sa kawat ug tulis. I Richel Gubalani
