NAKA-FULL alert ang kapulisan sa GenSan alayun sa pagsugod na sa election campaign sa national candidates.
Segun ni PLt.Col Aldrin Gonzales, spokesperson sa General Santos City Police Office nga sa karon nagpabiling hapsay ug malinawon ang syudad ug hugot ang pagpatuman nila sa mga balaod sa Comelec, labi na sa checkpoint.
Lima na ka short firearms ang nakumpiska sa kapulisan sukad sa pagpatuman sa gun ban.
Dugang pa ni Gonzales sa karon padayun usab nga nakig-alayun ang kapulisan sa ubang law enforcement unit sama sa kasundalohan, Coastguard aron mamintina ang peace and order.
Wala pa usay nadawat nga report ang kapulisan sa unsa mang bahad gikan sa armadong grupo apan anaa matud pa ang intelligence unit nga naga-monitor niini.
Panawagan na lamang ni Gonzalez sa katawhan nga makig-cooperate aron mahimong hapsay ug malinawon ang syudad tungod andam usab ang kapulisan sa pag-aksyon sa unsa mang report o sumbong nga ilang madawat.
