Nagpasidan-an karon ang Mawab Police Station sa mga byaherong mulatas sa Mawab Road nga dili magkumpyansa sa pagpakusog og dugan inay mag hinay-hinay lang sanglit pipila na sab ang natalang aksidente sa maong lugar.
Kasamtangan pang nagpa-alim karon ang magtiayon nga nakahigaom og samad sa nagkadaiyang lawas human nga nagsampok ang ilang gisakyan nga pick-up tali sa usa ka Fuso Flat Bed Truck sa Km. 67 Brgy. Tuboran, Mawab, Davao de Oro.
Giila ang mga biktima nga sila Rolly Villamor, 56 anyos ug Emelita Villamor, 51 anyos, ug residente sa Purok 2, Barangay Elizalde, Maco, Davao de Oro.
Subay sa imbestigasyon, nawad-an og kontrol ang gimanehong truck sa driver nga si Marvin Majasol, 26 anyos nga taga Ilang Davao City samtang nagdagan sa opposite lane ang duha ka sakyanan hinungdan nga nagsampok kini.
Una ng nasayran nga aduna pay laing nagbangga sa susamang lugar ang usa ka prime mover truck ug usa ka mini van suzuki diin nakahigaom sab og minor injuries ang mga drivers.
