Nagpadayon ang imbestigasyon sa Mati City Police Station kung si kinsa ang mipaluyo sa pagpusil patay sa usa ka babaye ug 7-anyos nga pag-umangkon niini sa Barangay Sainz, Mati City, Davao Oriental.
Giila ang biktima nga si Carmelita Miñoza, 50-anyos, ug Jaime James Miñoza, 7-anyos, residente sa maong lugar.
Subay sa report, pauli ang mga biktima gikan sa lamay sab sailang namatay nga paryente apan dako na lamang ang kakurat sa mga nakakita nga nagbuy-od na ang duha sa kalsada. Gisulayan pa og dala ang mga biktima sa balay tambalanan apan gideklara kining dead on arrival.
Narekober sa crime scene ang upat ka mga fired cartridge cases sa shotgun.
Matud pa sa kabanay sa biktima, ilang gituohan nga personal nga bangi ang motibo sa maong krimen. BNFM-Davao
