Gikustudiya karon sa Bureau of Immigration detention facility dinhi sa Davao City ang usa ka American National nga nag-atubang og patong-patong nga kasong child phornography didto sa Amerika.
Ang dinakpan giila nga si Gregory Evans Nelson, US senior citizen nga giaresto sa otoridad sa iyang gipuy-an sa Balulang, Cagayan de Oro, niadtong Martes, Enero 18, 2022 atol sa usa ka operasyon.
Nag-atubang kini og 34 ka kasong possession ug distribution of child pornography sa Amerika ug gikonsidera nga usa ka US fugitive base sa Office of Overseas Criminal Investigation sa US Department of State.
Human nangayo og tabang ang OCI dinhi sa BI, gilusad dayon sa mga sakop sa Regional Intelligence Operations Unit -10 sa Bureau of Immigration ang operasyon batok kang Nelson nga dunay existing Summary Deportation order.
Sa karon naghulat na lang sa iyang deportation ang banyaga aron didto tubagon ang mga kaso nga iyang giatubang.BNFM-DAVAO
