Nag positibo sa COVID-19 ru may kapin sa 47 ka mga empleyado it Department of Public Works and Highways (DPWH) sa Aklan.
Nakataeana nga iga paidaeom sa confirmatory test o RT-PCR test ru mga empleyado.
Sa datos, may kabilugan nga 244 active cases sa Kalibo matapos madugangan it 55 nga bag-ong kaso.
Suhestyon it nasambit nga taeatapan hay kinahangean nga mag pabakuna kontra sa COVID-19 agud ma minimize ru pagiging severe status oras nga matapnan it COVID-19.//MARIVIC Y. ILIN
