LEGAZPI CITY – Padagos na neeksperyensyahan kan Bureau of Jail Management and Penology Bicol an kakulangan sa saindang personahes.
Segun kay BJMP Bicol Regional Director JSsupt. Elena Rocamora, presenteng nasa 1,295 sana an saindang personahe, mantang nasa 3,549 na persons deprived of liberty an nagtetenir sa 29 jail facilities sa anom na probinsya sa bilog na rehiyon.
Sinabi niya na igwa ki ideal na personnel to PDL ratio, kun sain dapat an sarong jail officer, nasa pito an rekomendadong pigbabantayang PDL, alagad sa estado ngunyan, dae pa ini posible dawa pa igwa sinda ki 2,000 jail officer 1 na bagong recruit kada taon sa bilog na nasyo, dae man giraray ini bastante nganing mahipnuan an kakulangan.
Mientrastanto, sa ibong kaini, pigsiyerto man ni Rocamora na dae man napapabayaan an seguridad sa kada pasilidad dugang pa an pagasigurar man kan kamarayan nin mga PDL asin sa ngunyan dagos-dagos man an saindang pigkokondusir na recruitment.
