LEGAZPI CITY – Pinapagirumduman ni Bise Gobernador Glenda Ong-Bongao an publiko na mag-ingat pag maaaragi sa riles nganing dai na madugangan pa an mga kaso nin aksidenteng kinaiimbweltuhan nin tren asin vehicular collisions.
Sa intrevista kan Brigada News FM Legazpi sa bise gobernador, sinabi niya na tren an prayoridad sa gabos na riles huli ta ini man an saindang right of way, kun kaya pedestrian asin mga lunadan na maaragi an dapat mag-adjust.
Segun pa saiya, mas haloy an pagkontrol kan tren pag nakakahiling sinda ki distractions.
Nin huli kaini, gigibuhan su boot ninda ini ki paagi arog kan pagbugtak ki mga barrier, pag-deploy ki tagabantay asin flagman, nganing maibetaran an mga aksidente.
