SAN JOSE, ANTIQUE—Ginabana-bana nga una sa Php 833 million pesos do gin-aywan nga kahalitan it sunog sa Gaisano Grand Mall sa San Jose, Antique ku nagtaliwan nga adlaw it Huwebes, June 17, 2021.
Suno sa pamunuan it BFP San Jose, do 833,137,500 pesos hay sa nasunog pa eang nga building eabi eon sa first ag second floors it mall ag owa pa kara naeakot do mga items nga natupok it kaeayo sa sueod.
Hin-aga hay magapadueong man do taga-BFP Central Office ag magapatigayon it imbestigasyon kung ano do ginhalinan it sunog kung siin nauna eon nga ginpahayag nga do kaeayo hay nag-umpisa sa kisame it second floor nga igto nahamtang do ladies wear ag bangud nga combustible do mga naka-display hay madali nga nagkalat do kaeayo.
Sa pihak nga parte, nagpanupod man do Antique Provincial Government it P5,000 cash, sangka sakong bugas ag groceries sa mga apektadong empleyado. // SHERRY ANNE REUNIR-VIDAL
