MUDUSO og resolusyon si Kagawad Atty.Jose Edmar Yumang sa konseho aron sayron ang kamatuoran sa alegasyon nga mokabat sa P3,000 pesos ang daily room rate sa hotel asa naka-quarantine ang taga LGU-GenSan samtang mokabat lang sa P37 pesos ang per meal allowance sa mga vaccinators.
Segun ni Yumang nga wala siya nasayod ani luyo nga gikabaniog nga naapil kini sa naaprobahan nga supplemental budget number 3.
Dugang sa konsehal nga angayang maimbestigahan ang maong report aron mahatagan og katin-awan.
Gikumpirma usab ni Yumang nga aprubado na ang supplemental budget number 3 nga mokabat sa sobra P232 million alang sa COVID-19 response.
Samtang may mga pondo usab alang sa infra project nga na-revert aron gamiton sa COVID-19 response, apan gitino nga kadtong mga proyekto ang wala pa napatuman.
Nasayran nga giduso ang maong supplemental budget aron masustiniran ang mga bayrunon sa syiudad sama sa hotel ug inns accomodation sa nakakwarantina, pagkaon ug uban pa.
