GIKUMPIRMA ni Kagawad Odjok Acharon nga wala siya miboto pabor sa pagpasa sa supplemental budget number 3 tungod may mga wala nahatagan og pagpaklaro ang ubang gigahinan sa pondo.
Sama sa pondo alang sa mga pagkaon sa mga vaccinators nga wala ma-specify pag-ayo, asa mokabat sa 20.3 million ang giaprobahan alang niini.
Wala kini masayod kung kabahin sa maong pondo ang gamiton sa pagbayad sa mga previous nga utang apan gibutyag nga nabungat usab ni Voltaire Tiu nga may bayran nga kanhing utang sa supplemental budget nga gipangayo.
Gawas kaniya, wala usab miboto alang sa pagpasa sa supplemental budget number 3 silang Kagawad Richard Atendido ug Kagawad Dominador Lagare Jr. ug kadtong atua sa gawas sa nasud nga wala usab makaapil sa budget deliberation.
Nasayran nga una na usab gikwestyon ni Kagawad Franklin Gacal Jr. ang maong supplemental budget tungod sa dili klaro nga mga detalye sa mga pagagamitan niini.
Photo file: SP Gensan
