KARONG adlawa, Hulyo 23 ang ulahing adlaw alang sa pagparehistro aron makaapil sa pagboto sa SK ug Barangay elections sa December 5, 2022.
Ipahigayon ang registration sa SM mall asa gibutyag ni Atty. Sittie Sharmaine Papandayan Garangan nga magsugod gihapon sila alas 8 sa buntag hangtud alas 5 sa hapon.
Anaa gihapon sa 500 ang cut off nila nga ma-accommodate gawas sa express lane nga dawaton sama sa PWD, senior citizen ug mga buntis.
Giklaro usab ni Atty.Garangan nga adlawng Biyernes anaa sa 800 ang cut off nga gidawat, apan naapil sa maong ihap ang wala nakasulod sa cut off niadtong Huwebes.
May kamanduan matud pa si Garangan sa mga guwardiya nga ihapon ang mga musulod nga magparehistro aron nga ang mosobra sa maong ihap may higayon nga makauli ug dili na magpila.
Giangkon usab nga gina-sayo ang pag-undang sa pagdawat sa magparehistro tungod paspas nakab-ot ang punting nga ihap o quota.
Adlawng Huwebes, hangtud alas 8 na sa gabii nahuman ang Comelec GenSan sa pag-accommodate sa mga nasulod sa cut off ug pagdawat sa walk in sama sa buntis, hinungdan sa 997 sa usa lang ka adlaw ang narehistro.
