KABANKALAN CITY, Negros Occidental — Sa desisyon nga gin-balhag sang International People’s Tribunal (IPT), gintudlo sini ang pagpatay sang pamilya sa Fausto sa gobyerno sa Pilipinas, matapos gin-patigayon ang hearing sang prosekusyon sang Mayo 17-18, 2024, sa Brussels, Belgium,
“The massacre of the members of the Fausto family in Negros Occidental, the leaders of Tumandok indigenous communities in Panay, and the team of community workers from the SOS Network in New Bataan, Davao de Oro province are but a few examples of the willful killing of civilians by state forces,” porsyon sang desisyon sang IPT.
Sa amo man nga ruling nga gin-paguwa sang IPT, gin-pamatbatan nga guilty si Philippine President Ferdinand Marcos, Jr., former president Rodrigo Duterte, kag United States President Joe Biden sa kaso nga pagpatay sa mga pumuluyo sa kaumhan pamaagi sa mga programa sini nga naga-bayolar sa tawhanon nga kinamatarong.
Ang kopya sang desisyon sang IPT ang igapadala sa mga nagkalain-lain nga organisasyon, opisina sang gobyerno nga gin-imbestigahan nga amo ang masunod: Philippine Embassy in Brussels, United States Embassy in Brussels, European External Action Service, the European Parliament, International Criminal Court, International Court of Justice, United Nations Human Rights Council, UN High Commissioner for Human Rights, International Committee of the Red Cross, Secretary-General of the United Nations kag Permanent People’s Tribunal.*
