Ginpahayag it Philippine Statistics Authority (PSA) nga ro inflation rate sa Western Visayas ku Hunyo 2022 hay nagtaas pa sa 6.2% kumpara sa 5.9% ku Mayo 2022.
Ro inflation ku Hunyo it nagtaliwan nga dag-on hay mas manaba sa 4.0%.
Ro pagtaas it inflation it rehiyon hay gina-impluwensiyahan it annual increase index para sa pagkaon ag mga ilimnon sa 7.3%; transportasyon nga may 16.5%, ag mga makahueobog nga ilimnon ag tabako nga may 10.9%.
Ro food inflation sa Western Visayas hay nagtaas man sa 7.6% ku Hunyo 2022, halin sa 6.9% annual growth ku nagtaliwan nga buean./JIL B. LACSON
