MAY kasong rebelyon ang Indonesian national sa ilang nasud subay sa pagkumpirma sa police attache sa Indonesia nga nakigkita sa kapulisan sa rehiyon.
Kini ang nahipos nga impormasyon sa Police Regional Office o PRO-12 luyo nga gihulat pa ang dugang mga dokumento gikan sa Indonesia.
Nagtuo usab si PBGen.Jimili Macaraeg, Regional Director sa PRO-12 nga dili aron gamiton dinhi sa region-12 ang maong mga armas gikan sa Indonesian national apan dalhon matud pa sa New Papua, nga sakop sa Indonesia ug dili sa nasud Papua New Guinea.
Gipapha usab ni Macaraeg ang gikaingong may kalabutan sa terorismo ang pagpalusot og armas sa maong langyaw luyo nga wala pa usab nila hingpit gituldokan ang maong anggulo.
Sa karon, padayung nakig-alayun ang kapulisan sa Indonesian authorities aron masuta gayud ang tinuod nga motibo human napasakaan na usab og kasong illegal possession ang dinakpan nga langyaw sa Sarangani Provincial Prosecution Office.
