LAING miyembro sa KaBrigadahan GenSan ang nagpasalamat sa nadawat nga tabang gikan sa mga miyembro.
Si Annabelle Palmares, 50-anyos taga Prk. 1 Klinan 5, Brgy. Mabuhay ang midawat sa cash assistance.
Ang maong hinabang gikan sa mga miyembro sa KaBrigadahan GenSan ang hugot gipasalamatan ni Palmares, ang alang sa namatay nga igsuon na si Arlene Marzon niadtong Agosto 15 tungod sa breast cancer stage 4 ug mayoma.
Matud ni Palmares, duha ka tuig nga nag-antus sa sakit ang iyang igsuon ug dugay na unta nga gipa-ospital apan tungod sa kakulang sa kwarta, wala kini mahitabo.
Gapanghupong ang katunga sa lawas ni Arlene ug ang katunga ang niwang ug nagdako ang iyang tiyan.
Ang maong hinabang nga nadawat ni Palmares ang iyang gipasalamatan dili lang sa mga miyembro apan apil na si Idol Brigada Elmer V.Catulpos nga mihatod sa cash assistance sa panimalay sa mga nahisgutan.
