Gipailawom sa Department of Health (DOH) XI ang Davao Occidental sa Alert Level 4 sugod karong adlawa Oktubre 20 hangtod Oct. 31, 2021 human nga nakatala og pagsaka sa kaso Covid-19. Ang maong classification kini subay sa rekomendasyon sa Inter-agency Task Force for the Management of Emerging Infectious Diseases (IATF).
Samtang nagpabilin gihapon ang ‘No Movement Sunday’ sa tanang munisipalid sa nahisgutang probinsya ug nagpadayon gihapon ang hugtanong pagpatuman sa health protocols batok Covid-19.
Gawas niini, gipailawom sab ang Davao City ug Davao del Norte sa Alert level 3 samtang ang Davao de Oro, Davao del Sur ug Davao Oriental anaa sa Alert level 2.
Giawhag karon sa DOH-11 ang tanang lugar nga gipailawom sa Alert Level 4 ug 3 nga paspasan pa ang vaccination roll-out ingonman mas pakusgan matud pa ang pagpahigayon og contract tracing ug aggressive community testing aron masuta gilayon ang mag positibo sa Covid-19.
