Ro Iloilo Provincial Government ro pinakaunang LGU sa nasyun nga nagpasar it ordinansa kaangot sa renewable energy (RE).
Ro Renewable Energy Ordinance of 2022 (I-PORE 2022) hay nagamandu sa pagtukod it mga imprastraktura ag mekanismo sa renewable energy, engganyuhon ro mga barangay, munisipalidad, ag syudad nga tumuron ag itaeana ro mga posibleng lugar para sa RE investments, ag magtao it mga insentibo base sa Provincial Investment Code.
Nalipay man si Iloilo Governor Arthur Defensor Jr., nga may makarondaya nga ordinansa bangud kinhangean eon segun nanda nga magtaeana it pondo para kara eabi pa ag sa Annual Investment Plan eon raya para sa 2023.
Ro probinsya hay magataeana it regular annual appropriation sa balor nga katumbas it 50 percent it 1 percent it annual budget o mas o menos sa P21 million base sa 2022 budget.
Sa pagpasar it ordinansa, nagasalig si Defensor nga maangkon ro mas maabu nga renewable energy projects sa probinsya. / ANN DESLENE SALAZAR
