Nagapanawagan ro lokal nga gobyerno it siyudad it Iloilo sa mga ginikanan nga ipapre-register ro andang mga menor de edad nga unga agud mabakunahan eun kuntra sa COVID-19.
Padayon ma ro andang pagpahaom para sa pagpabakuna it andang mga menor nga residente nga may edad 12 hasta 17 anyos.
Sa datos it lokal nga gobyerno ku Oktubre 22, 5,894 ka mga menor ro nakaparehistro para sa vaccination roll-out
Nakataeana nga ilunsar it Department of Health ro vaccination sa mga menor de edad sa Iloilo sa paaeabuton nga Oktubre 29. Kapin sa 50,000 nga mga indibdwal ro target nga mabakunahan sa siyudad./JIL B. LACSON
