Nagreklamo ro sambilog ka miyembro it Civilian Active Auxillary (CAA) sa probinsiya it Antique matapos segun raya nga eampasan it sambilog ka Ceres bus nga gindeploy para sa programa nga Libreng Sakay it gobyerno.
Base sa pahayag ni Punong Barangay Elmer Alvior, nagabantay imaw sa Poblacion Hamtic kat ginparahan nana ro sambilog ka Ceres bus nga may signage nga “Libreng Sakay.” Ginpakita pa nana ro ID bilang pamatuod nga imaw hay APOR kaso gin-agyan eamang imaw it saeakyan.
Bangud dikara, dali-dali nga naghiram it motor si Alvior agud eagson ro saeakyan, naabutan eun nana sa Qui-anan, San Joaquin, Iloilo.
Uwa man ginkompronta ni Alvior ro driver it bus pero ginbue-an nana it picture ro sasakyan nga may body number nga 6535.
Nagapanawagan si Alvior nga dapat ipatuman it manami ro Libreng Sakay agud mapakinabangan it publiko./JIL B. LACSON
