Sususpindihin ng Department of Foreign Affairs ang operasyon ng ilang opisina nito dahil sa pagtaas ng bilang ng mga tauhan nito na tinamaan ng COVID-19.
Ayon sa DFA, apektado ng temporary suspension mula January 10 hanggang 20, 2022 ang Office of Consular Affairs (OCA), Consular Offices (COs) at Temporary Off-Site Passport Services (TOPS).
Kasama na rito ang CO La Union, CO NCR East, CO NCR North, at TOPS Robinsons Novaliches.
Sa nasabing panahon ay walang passport o Apostille applications ang ipo-proseso o ire-release.
Para naman sa mga katanungan ay pwedeng tumawag ang mga aplikante sa Consular Office kung saan ay naihain ang kanilang aplikasyon.
Pansamantala naman isasara ang mga sumusunod na opisina mula January 12-20.
DFA Office of Consular Affairs sa Aseana Business Park, sa Parañaque City; CO NCR Central; CO NCR Northeast; CO NCR South; CO NCR West; CO Antipolo; CO Angeles; CO Baguio; CO Damariñas; CO Iloilo; CO Lucena; CO Malolos; CO San Pablo; TOPS Robinsons Las Piñas; TOPS Robinsons San Pedro Laguna; at TOPS SM Manila.
