Nananatiling halos stationary, ‘o di gumagalaw ang bagyong Julian.
Sa 11am bulletin ng PAGASA – huling namataan ang sentro ng bagyo sa layong 525 kilometro, silangan ng Itbayat, Batanes.
Taglay nito ang lakas ng hangin na papalo ng 55 kilometro kada oras; at bugsong aabot ng hanggang 70 kilometro kada oras.
Sa ngayon, hindi isinasantabi ng weather bureua na isailalim sa tropical cyclone wind signal number 1 ang Cagayan Valley ngayong araw.
Inaasahang lalakas pa ito sa mga susunod na oras, at maaaring maging isang tropical storm mamayang gabi, o bukas ng umaga.
