NAHIMONG sadya ang ikaduha nga Friendship Game sa Brigada Eagles batok sa Home Team sa Barangay Labangal Hunyo 28, 2023 sa gabei.
Gipangunahan ni Station Manger Ernie Gabonada ang Brigada Eagles samtang gipangunahan usab ni Kapitan Reynaldo Clapis ang Team Labangal, nalingaw usab ang mga fans sulod sa gymnasium.
Sa unang quarter unang nanginit sa pamuntos ang Team Labangal samtang naningkamot ang Eagles aron nga makadikit sa puntos,nahuman ang unang bahin sa dula sa score nga 18-25 pabor sa Labangal, samtang sa second quarter ang score 45-47 dos puntos ang lamang sa Labangal.
Gustong mogukod ang Eagles apan naningkamot usab sa ilang depensa ug opensa ang Labangal, nahuman ang 3rd quarter sa score nga 67-79 pabor sa Labangal samtang sa ikaupat nga quarter nahimong dikit ang dula ug nahuman sa score nga 96-102 pabor sa Home Team.
Gumikan sa malampuson nga pasingot ug dikit ang score naga imbeta si Kapitan Clapis alang sa ikaduha nga Friendship Game. I Ver Diazon
