Tatanggapin ng Olongapo Molecular Diagnostic Laboratory ang mga swab samples na manggagaling sa ibat-ibang mga bayan sa Zambales.
Ito ay maliban pa sa Subic at Castillejos na kasalukuyang nakikipag-usap sa local government ng Olongapo para makapagpasuri ng specimen sa laboratoryo ng lungsod.
Ayon kay Mayor Lenj Paulino, kahit may sariling diagnostic laboratory ang Zambales ay hindi nito kayang mas pabilisin pa ang paglalabas ng resulta ng RT-PCR test dahil sa dami ng mga swab samples na kailangang isalang.
Dahil dito, handa ang Olongapo na tulungan ang mga karatig bayan at probinsya na walang sariling laboratoryo para contact tracing at testing.//Christian Andres-BNFM OLONGAPO
