Malabong isailalim sa alert level 4 ang lungsod ng Olongapo kung ang pagbabasehan ay ang dami ng pasyente sa ospital na may corona virus disease.
Ito ay dahil tanging ang mga pasyenteng kailangang i-dialysis, mga buntis na pawang mga may mild symptoms lang ang dumadaan sa pangangalaga ng James Gordon Memorial Hospital na ang karamihan ay nakahome-quarantine.
Ayon kay Hospital Chief Dr. Jewel Manuel, napasama din sa bilang ng mga covid-19 positive ay ang mga staff ng ospital pero hindi naidagdag sa mga pasyenteng kinailangang gumamit ng pasilidad o kwarto sa ospital.
Matatandaan, una nang sinabi ni Mayor Lenj Paulino na minsan nang naging kandidato ang Olongapo sa mas mahigpit na alert level dahil sa pagtaas ng covid-19 cases sa lungsod.//Christian Andres-BNFM OLONGAPO
