Inilunsad sa lalawigan ng Pampanga ang Home Care Service Program o HSCP para sa mga Covid-19 patients na naghihintay ng kanilang admission sa mga pribadong ospital.
Sa ilalim ng Home Care Service, susuriin muna sa hospital ang pasyente, at kung kaya ng kanyang kondisyon pauuwiin ito sa kanilang bahay at doon gagamutin habang nag aantay na magka-bakante sa hospital.
Kinakailangan lang na may sapat na espasyo ang Covid-19 patients sa kanilang tahanan habang ito ay sumasailalim sa quarantine.
Sa ngayon mayroon nang syam na pribadong ospital sa Pampanga na katuwang ng Provincial government para sa pagpapatupad ng naturang programa.
Ayon kay Governor Dennis “Delta” Pineda, ipinatupad ang Home Care Service dahil nasa critical level at high risk na ang mga Covid-19 hospital sa lalawigan.
Samantala una rin ang Pampanga sa buong bansa na magpapatupad nito.
