Gikasubo sa sektor sa panglawas ang resulta sa Programme for International Student Assessment kon PISA diin hinay ang performance sa mga tinun-an sa Pilipinas.
Kung hisgutan ang creative thinking skills sa mga estudyante, second to the last na lang ang Pilipinas gikan sa 64 ka mga nasud human nakakuha og 14 points.
Ubos kaayo kini gikan sa average score unta nga 33 points.
Nakita ni Dr. Parolita Mission sa National Nutrition Council-7 nga adunay koneksyon ang saktong nutrisyon sa pagtuon sa mga bata.
Kay kung maayo man ang gipangkaon sa mga tinun-an, hayan mas momaayo unta ang mamahimong pagtungha sulod sa classroom.
Gihimug-atan usab ni Frederic Carl Te, nutritionist dietician IV sa Department of Health-7 nga mas maayong hatagan og saktong nutrisyon ang mga bata, 1000 days gikan sa pagkahimugso.
Kay kung maayo ang paghatag og saktong nutrisyon sa mga bata, mas momaayo usab ang function sa iyang utok hangtud na sa pagdako.
Gihatagan usab og dakong gibug-aton sa Department of Agriculture-7 ang pagpatuman sa Gulayan sa Paaralan.
Gawas nga makakat-on ang mga tinun-an sa pagpananom, kinahanlang mapahimuslan nila ang mga inaning otanon pinaagi sa pagkaon niini. //
