Umabot na sa 10, 924 na indibidwal sa Lunsod ng Cauayan na kabilang sa priority list group A1, A2 at A3 ang fully vaccinated.
Inihayag ni Cauayan City Mayor Bernard Dy sa kaniyang public address ngayong araw na mula sa nasabing bilang 8,306 dito ang mula sa población region habang 2, 618 naman ang galing sa east tabacal at forest region.
Sa ngayon aniya ay top priority ng Cauayan City Health Office na mabakunahan ang mga senior citizen dahil malayo pa umano sa target ang nababakunahang kabilang sa group A2.
Inihayag din ng alkalde na ito ang dahilan kaya’t hindi pa nasisimulan ang pagbabakuna sa A4 o mga economic frontliners.
Hinikayat naman niya ang mga gustong magpabakuna particular ang mga senior citizen na makipag-ugnayan lamang sa kanilang mga BHERTs o mag register online sa http://cityofcauayan.gov.ph/covac.htm at hintayin lamang ang tawag para sa schedule ng vaccination.
Ayon pa sa alkalde, ang mga vaccination sites sa lunsod ay nasa SM, Villa Luna, Rizal, Nungnungan at Sillawit.
