CAMARINES NORTE- Lalo pang bumaba ang bilang ng mga naoospital sa lalawigan ng Camarines Norte dahil sa COVID- 19 batay sa pinakabagong datos ng Department of Health.
Noong Lunes iniulat ng DOH na sa 166 na kama na inilaan para sa mga pasyenteng may COVID- 19, 12 lang dito ang nagamit o katumbas ng nasa 7.2 % utilization rate.
Mas mababa pa ito sa kaparehong panahon noong nakaraang linggo 9. 7 % healthcare utilization.
Nasa low risk din ang isolation beds for COVID utilization sa 11. 0 %, Covid ward beds utilization sa 2. 9% habang wala namang naitalang paggamit sa ICU beds at mechanical ventilator.
Nasa ilalim ng Alert Level 2 ang lalawigan ng Camarines Norte.
Pero paalala ng Department of Health na kahit nasa mababang Alert Level ay dapat pa ring isabuhay ang pagsunod sa mimimum health standards.
Ayon kay Ken Nuyda, Nurse V ng DOH- CHD Bicol kailangang i- practice ang health protocol sa bahay man o sa trabaho lalo na s amga pampublikong lugar at transportasyon.
Kahit patuloy aniya ang pagbaba ng mga kaso ng COVID- 19 ay dapat pa ring maging maingat.
