Nakaligtas sa tangkang asasinasyon si Haiti Prime Minister Ariel Henry sa isang event na may kaugnayan sa anibersaryo ng independence ng kanilang bansa.
Ayon sa report, nasa seremonya sa isang simbahan sa northern city ng Gonaives si Henry nang magpaulan ng baril ang mga suspect.
Makikita sa video na dinala ng kanyang entourage si Henry patungo sa kanyang sasakyan habang naririnig ang mga putukan
Inihayag ng tanggapan ni Henry na mga bandito at terorista ang posibleng nasa likod ng tangkang asasinasyon bilang ganti sa pangako ng Prime Minister na hahabulin nito ang mga makapangyarihang gangs na sinasabing nasa likod ng serye ng kidnapping at pang-aagaw ng kontrol sa gas distribution sa iba’t ibang bahagi ng kanilang bansa na nagdulot ng fuel shortage.
Matatandaan na pinatay si President Jovenel Moise noong July.
