“Excessive, unnecessary and disproportionate.”
Raya ro pahayag ni Regional Operational Command it New People’s Army (NPA) Panay sa paggamit it Philippine Army it mataas nga mga armas sa natabo nga pag-atake sa pugad it rebeldeng grupo sa Barangay Alimodias, Miag-ao, Iloilo ku Disyembre 1.
Base sa pahayag it Coronacion “Waling-Waling” Chiva Command Rehiyon Panay, milyon-milyon nga pondo ro nauyang para makontra ro maisot nga yunit it NPA nga nagahimo it mga serbisyo sa mga pumueoyo nga apektado it gutom ag pandemya.
Dugang pa nanda, ro pagbomba hay nagresulta sa matindi nga kasamaean sa pangabuhian it mga tawo, kasamaean sa wildlife ag palibot, ag pagkaeat it lagim sa mga sibilyan.
Bukon man segun it ensakto ag may gin-aepas ro ginhimo nga pag-atake sa rules of war ag international humanitartian laws.
Ro bukon it patas nga paggamit it AFP it sobra nga puwersa hay sambilog ka klase it terorismo nga nagtuga it kasmaean ag kakueba sa mga mangunguma. Bukon man segun it patas sa AFP nga pagabasueon ro rebolusyonaryong grupo sa andang gintuga nga gulo.
Pero, base man sa Armed Forces of the Philippines uwa it pag-eapas sa rules of war ag international humanitarian law ro natabo nga engkwentro./JIL B. LACSON
