Taos pusong pinasalamatan ni Sen. Christopher Bong Go ang libo-libong mga taga-suporta na naki-isa sa nationwide caravan noong Sabado, Nobyrembre 6, 2021.
Mula sa ibat’-ibang probinsiya sa Luzon, Visayas at sa Mindanao dumagsa ang mga tao sa naturang aktibidad para ipakita suporta nila kay Go sa vice-presidential bid nito.
Kabilang sa mga lugar ay ang Bulacan, Biliran, Bohol, Cavite, Cagayan, Camarines Norte, Camiguin, Capiz, Davao de Oro, Eastern Samar, Ilocos Sur, Iloilo, Isabela, Leyte, Laguna, Lanao del Norte, Misamis Occidental, Misamis Oriental, Negros Occidental, Negros Oriental, North Cotabato, Northern Samar, Nueva Vizcaya, Occidental Mindoro, Oriental Mindoro, Romblon, Pangasinan, Quirino, Rizal, Siquijor, Southern Leyte, Southern Samar, Zambales, Zamboanga del Norte and Zamboanga del Sur as well as the cities of Dumaguete, Iloilo, Mandaluyong, Marawi, Iligan, Parañaque, Pasay, Quezon, San Juan, Tacloban, Valenzuela, Caloocan at maraming pang iba.
Kasabay ding itinatag noong Sabado ang ‘Go Bong Go Coalition’ sa Caloocan City.
Sa kanyang video message sinabi ni Go na damang-dama nito ang pagtitiwala at pagmamahal ng taumbayan sa kanya at kay Pangulong Rodrigo Duterte.
Kaya naman tiniyak ni Go na kung papalarin bilang bise presidente, magtatrabaho at magseserbisyo siya ng buong puso para sa mga kababayang Pilipino.
“Ipagpapatuloy natin ‘yung mga magagandang programa ng ating mahal na Pangulo. Halimbawa po ‘yung kampanya laban sa droga, kampanya laban sa kriminalidad at kampanya laban sa korapsyon sa gobyerno,” ani Go.
