Dadaan sa mahigpit na pagsusuri sa border checkpoints ang mga vaccination card na ipiprisinta ng mga fully vaccinated individuals sa mga border checkpoint ng Camarines norte
Base sa ibinigay na pahayag ni Atty Don Culvera, Unified Incident Commander, ito ay upang matiyak na hindi makakalusot ang mga posibleng pekeng vaccination cards na maaaring gamitin ng mga nais makapasok sa probinsya
Ngayong buwan ng Nobyembre ay inaasahan na ang pagdami ng bilang ng mga papasok sa probinsya matapos na pahintulutan na ang lahat ng mga fully vaccinated individuals , residente man o turista na pumasok sa lalawigan ng walang negatibong resulta ng antigen test o RT-PCR test.
Kasabay nito ay titiyakin din ng Provincial IMT na ang lahat ng mga bus na bibiyahe papasok ng lalawigan ay may kaukulang dokumento o permiso mula sa LTFRB at kailangang papirmahin ang mga pasahero sa manifesto bago umalis sa terminal
Matatandaan na sa naging panayam ng Brigada News FM Daet kay Governor Edgardo Tallado, sinabi nito na vaccination card, ID at travel pass na lang ang ipapakita sa checkpoint sa pagpasok sa lalawigan.
Sinabi din nito na mananatili pa rin ang Antigen test center sa border checkpoint para sa mga hindi pa bakunadong indibidwal
