Ginkumpirmar ni Police Senior Master Sergeant Lord Amosig, imbestigador sang Ivisan Municipal Police Station nga may mga daan na nga life threats nga nabaton ang ginang nga ginluthang samtang nagasakay sa ceres bus sa may bahin sang Sitio Pamantawan, Brgy. Mianay-Ivisan, Ivisan, Capiz pasado alas 5:00 kahapon sang Lunes, Hulyo 30.
Suno kay Amosig, may yara naman sila sang person of interest sa pagpang-luthang apang indi pa nila mapaguwa ang pagkakilanlan bangud nagapadayon pa ang imbestigasyon.
Matandaan, ginkilala ang biktima kay Sharon Pamusay, 45-anyos kag residente sang President Roxas. Sa karon, nagapabilin ini sa pribado nga ospital matapos nakaangkon sang pilas sa nawala nga porsyon sang tyan kun sa diin naglapos pa ang bala sang armas sa iya likod. Daan nga hiligut-anon naman ang ginalantaw nga motibo sang otoridad sa nasambit nga krimen. | Judy Ann Juare
