Nagtungo na ang isang investigation team para masiyasat ang isa pang barko na ‘di umano’y nagdudulot ng oil spil ngayon sa bahagi ng Bataan.
Sa inisyal na ulat – sumadsad ang MV Mirloa 1 sa may dalampasigan ng Mariveles, Bataan.
Lumabas din na mayroon itong kargang libu-libong litro ng langis.
Sa ngayon, kumuha na ng water samples ang mga otoridad para matukoy ang lawak ng posibleng oil spill.
Kung maaalala – ito na ang ikatlong barko sa bahagi ng Bataan na nagdudulot ngayon ng oil spill.
Una ay ang MT Terra Nova, at ang MTKR Jason Bradley.
