Inilarawan ni Gilas Pilpinas Head Coach Chot Reyes na magiging mabigat ang pade-desisyon sa pagpili ng 12 manlalaro sa FIBA World Cup.
Ayon kay Reyes, kinakailangan gumawa ng mahirap na desisyon ang national team para sa opisyal na lineup.
Dagdag pa nito, malaking stress para sa kanya ang ganitong bagay lalo na’t ilang buwan na silang magkakasama bilang preperasyon sa papalapit na palaro.
21-player pool ang inisyal na plano ng Gilas ngunit 16 lang ang kabuuang bilang ng mga manlalaro sa ngayon, kung saan apat rito ay hindi makakasama sa final cut.
