PASAKAAN og igong kaso ang mga misupak sa community quarantine protocols batok sa Covid-19.
Kini ang mandu ni PCol. Gilberto Tuzon, director sa General Santos City Police Office (GSCPO) ngadto sa tanang hepe sa walo ka presinto.
Matud ni Tuzon, angay mosunod ang tanan sa mga gipatuman nga protocols tungod makabalaka na ang padayong pagsaka sa Covid-19 sa GenSan.
Sa ulahing tala sa GSCPO, (as of June 27, 2021) misaka na sa kinatibuk-ang 1,141 ang mga indibidwal nga nasikop sa kapulisan.
Asa naa sa 206 katao ang nadakpan human misupak sa physical distancing, 238 ang nasakpan nga wala nagsuot og face shield, 82 ang no face mask, 155 ang misupak sa gipatumang Sunday lockdown. ( Richel Gubalani)
