‘MAKAYA nga matuman ang GenSan dream kung atong trabahuon.’
Kini ang masaligon nga gipahibalo ni Brigada Elmer V.Catulpos, nga kayang matuman ang GenSan dream ug katong nakita sa video, mao ang end goal sa direksyon nga buhaton alang sa ideal future sa GenSan.
Dugang ni Brigada Elmer, kada tikang matud pa nga buhaton mao kana ang GenSan dream, ang damgo alang sa maayong kaugmaon sa mga kaigsuonan sa dakbayan apan kini angayang trabahuon, pinaagi sa pagtinabangay.
Pinaagi sa pag-redesign sa economic system, asa mamugna ang mga trabaho, pinaagi sa paghatag og igong pagtagad sa mga industriya nga angayang palambuon, sama sa turismo, manufacturing, BPO ug uban pa nga praktikal matud pa karong anaa pa ang pandemya.
Ang kalampusan nga nahimo niini sa Brigada gikan sa capital nga usa ka libo ka pesos, karon may 40 ka FM station na sa tibuok nasud, ug sobra libo ka empleyado ug uban pang negosyo, ang maoy iyang gamiton usab nga abilidad gawas pa nga nakahuman usab og Masteral in Enterprenueship sa prestihiyosong institusyon sa pagdumala sa GenSan.
Aminado kini nga daghan ang naglisod nga katawhan mao nga gusto niining tabangan nga mapaangat ang ilang kinabuhi.
