NAGTUO si Ben Claudio, president sa General Santos City Chamber of Commerce and Industry, Inc. nga panahon na nga ma-amiendahan ang zoning ordinance sa syudad.
Segun niini dugay na ang maong ordinansa ug sa nasayran nga matag lima ka tuig nga kini angayang mabag-o.
Sogyot usab niini nga apilon ang may kalabutan sa kinaiyahan aron matubag ang mga pagbaha o landside luyo sa paglambo sa syudad sa pag-amienda sa ordinansa.
Gani dugang niini, mas maayo unta nga iladong architect sama kaniadto nga ilang gisogyot nga si Architect Palafox nga usa ka maayong urban planner ang maoy kuhaon alang sa pagplastar sa syudad luyo sa kalambuan..
Sa pikas bahin andam usab sila sa GenSan Chamber nga mohatag sa ilang mga ideya bisan kinsa pa ang mahimo unyang mulingkod sa syudad.
Gisubli usab niini nga kaniadtong panahon ni Brigada Elmer V.Catulpos isip president sa GenSan Chamber, nakatambong sila sa public hearing sa konseho kalabot sa zoning ordinansa ug may gipresenta usab nga mga provisions.
Apan ang tanan sumala pa nga nalatid sa zoning ordinance ang collective effort sa tanan, mga opisyal sa syudad, negosyante ug uban pang sector.
