Ginalauman ni Dr. Chris Sorongon ang deputy for medical, data analysis and management sang Bacolod Emergency Operations Center-Task Force maangkon na sang syudad ang 100 porsyento nga population protection sa pag-abot sang bulan sang Marso subong nga tuig bangud sa nagapadayon nga vaccination program sang lokal nga panguluhan kaangay sang paghatag sang booster shot, pagpatigayon sang pediatric vaccination sa mga kabataan naga-edad sang 5 tubtub 11 ka tuig kag pagpangbakuna sa mga pamatan-on naga-edad sang 12 tubtub 17 anyos.
Ginpahayag ni Sorongon sa pihak sang nagapadayon nga pagpangbakuna may yara sang nabilin nga mga pumuluyo ang wala pa mabakunahan bangud sa ila sini nga pagtuluuhan. Sa gihapon paga-respituhon sang EOC-TF ang desisyon kag personal conviction sang mga ini.
Dugang pa sini, ini mag-untat ang syudad sa pag-edukar, pagpahibalo kag sa pagkumbinser sa mga pumuluyo may kaangtanan sa maayo nga madul-ong kag proteksyon sang bakuna kuntra sa COVID-19. | Via Nimrod Zabala
