NI-EPEKTO na ang bag-ong usbaw sa presyo sa lana sa managlahi nga gasolinahan sa GenSan nga P11 hangtud P12 pesos kada litro ang presyo sa krudo ug P7 pesos sa matag litro sa gasolina.
Unang nakapatuman sa usbaw ang usa ka gasolinahan sa National Highway, Calumpang sumala sa pumpboy nga nagpailang Marc nagsugod sila sa usbaw alas kwatro sa kaadlawon, P13 pesos sa krudo ug P7 pesos sa gasolina, bisan siya apektado usab kay nagasakay man sa motorsiklo padulong sa gasolinahan.
Sa laing gasolinahan sa FilAm Avenue nakagukod pa sa mas ubos nga presyo ang usa ka trabahante nga si Dani Bajao, sumala niini nga sauna tag P52 pa ang matag litro karon mag P80 na apan nakahabol pa siya sa tag P73 Ppesos ang litro kayahon lang daw samtang may trabaho pa.
Sumala usab sa pumpboy nga si Roger alas 6 sa buntag sila magpasaka sa presyo sukwahi sa ilang naandan nga magsugod sa gabei pa.
Samtang sa laing gasolinahan sa downtown area naabtan sa Brigada ang usa ka tricycle driver nga si Dennis Ralph Paanding taga Barangay Mabuhay, may dala pa nga habol sa iyang tricycle kay nagapulaw sa pagpamasada gumikan aduna siyay tulo ka anak nga ginapa-eskwela.
Iyang ginahangad ang presyo sa gasolina ug sumala niini magpadayon gihapon siya sa pagbyahe ug maniguro lang nga mabayaran og sakto sa iyang pasahero aron mokita matag adlaw, ang iyang byahe nagasugod alas 5 sa buntag hantud alas 10 sa gabei,magpasalamat usab sila sa gobyerno kon moabot ang gibalita nga tabang.
Basi sa kasamtangan nga presyo ang gasolina ug krudo sa Gensan nipatong na sa P80 pesos matag litro samtang mas ubos gihapon sa mga small players. I Ver Diazon
