WALAY makonsidera nga ‘areas of concern’ sa General Santos City alang sa taliabot nga piniliay sa Mayo 09 ning tuig. Matud ni PCol. Paul Bometivo, acting police director sa GenSan police office kini base sa sitwasyon nakalabay’ng mga piniliay.
Luyo niini, padayon ang pagpatuman sa hugot nga seguridad sa dakbayan aron masiguro ang luwas ug patas nga eleksyon. Naglaom si Bometivo nga sa gihimong ‘peace covenant’ kauban ang mga local candidates magpadayon ang kahapsay sa dakbayan. Kasamtangan, ‘manageable’ sumala pa ang seguridad sa siyudad pipila kaadlaw bag- o magsugod ang kampanya sa lokal nga kandidato.
Nakalabay’ng tuig, nabungka sumala pa sa kapulisan ang gituohang private armed group sa dakbayan. Human gikonsider sa mga miyembro sa grupo ang ilang nagkadaiyang kalibre sa armas. Samtang, ipakatag sa GSCPO ang iyang mga sakop sa pagsugod sa kampanya lakip na sa mismong adlaw sa piniliay. Ang GenSan ang dunay 26 ka barangay ug dunay 360,262 registered voters. I Richel Gubalani
