NAKATALA na og 20% o 413,000 sa eligible population ang nabakunahan na kontra Covid-19 ang probinsiya sa Sarangani. Matud ni Razel Bustria, Provincial vaccination coordinator sa Sarangani Provincial Health Office nga 128, 895 ang fully vaccinated og 19,286 ang mga nakadawat sa unang dose.
Mas daghan ang fully vaccinated sa Sarangani Province tungod ubay-ubay nga dose sa Janssen vaccine ang miabot ug naturok sa mga residente.
Ang nadawat nga mga vaccines sa Sarangani mao ang Sinovac, Janssen og Astrazeneca. Sa karon ang probinsya ang walay cold storage facility nga kaya mag-akomodar sa mga bakuna nga nanginahanglan ug ubos pa sa -negative 15 degrees Celsius nga temperatura.
Base sa patakaran prayoridad nga makadawat sa Janssen vaccine batok sa COVID 19 ang mga gapuyo sa Geographically Isolated and Disadvantaged Areas o lagyong lugar. Nasayran nga sa usa ka vial sa Janssen vaccine adunay unom hangtud pito ka doses. ( Richel Gubalani)
