NADUNGAGAN pa ang fireworks related injuries sa Soccsksargen region, base sa ulahing datus sa Department of Health (DOH) Center for Health Development. Sa taho sa DOH-12, as of alas-6 sa buntag Enero 3, 2024, misaka na sa 74 ang ihap sa nabuthan og fireworks sa rehiyon.
Asa misaka kini og 111 porsyento tandi sa ihap sa insidente atong 2022 nga nakatala lang og 35 ka kaso. Sagad sa nabuthan ang gikan sa probinsiya sa South Cotabato nga dunay 49 porsyento sa maong ihap, 23 porsyento sa Cotabato Province, samtang upat ka kaso sa Sarangani ug GenSan.
Naa usab sa 86 porsyento sa mga biktima sa pabuto ang mga lalaki ug naa sa edad 5 hangtud 68-anyos ang sagad sa nabuthan. Anaa usab sa 5 anyos ngadto na sa 68 anyos ang mga nahimong biktima sa pabuto.
Naa usab sa 3% sa mga nabiktima ang kinahanglang putlan og tudlo human sa nahitabo. Una nang, gibutyag ni Jenny Ventura, Iwas Paputok campaign focal person sa DOH-12 nga gilaoman pa nila ang pagsaka sa ihap hangtud sa Enero 6. I Richel Gubalani
