WALA na nagdasok ang mga negosyante nga nagaproseso sa ilang renewal sa Business Permit sa City hall sa GenSan.
Sumala kay Sweet Galvez, usa ka personahe sa Recruitment Agency namahayag nga dako ang kalahian sa manual nga pagproseso sa renewal kaysa sa online nga proseso, lisod daw ang magpila sa unang panahon.
Mahinungdanon usab daw ang pagdeklara sa husto nga Gross Sales aron nga makatabangusab sa panudlanan sa syudad alang sa mga proyekto.
Sumala sa bag-ong labaw sa Business Permits and Licensing Division nga si Christian Abarquez ilang nalampasan ang record sa unang adlaw sa renewal sa tuig 2023 gikan sa 52 ka permit nahimo na karon nga 181 sa unang adlaw sa renewal sa 2024.
Gikumperma usab sa City Treasurer nga si Zenaida Eturma nga anaa na sa usa ka libo ang nagpa assess sa ilang Gross Sales.
Kahibaluan nga ang makahimo sa Under Declaration sa kita tibuok 2023 mamahimo nga makamulta og 25 porsyento unya aduna pay dos porsyento nga interest sa matag bulan. I Ver Diazon
