DAGHANG mga estudyante ug magtutudlo ang makabenepisyo sa 300 ka mga libro nga giturn-over sa Brigada Broadcast Group sa LGU sa Malungon, Sarangani Province.
Atol sa flag ceremony gitunol sa LGU ang mga libro kang Lea Tingson, Schools Division Superintendent sa South Malungon district. Ang maong mga libro ang naa sa e-library sa nasangpit nga munisipyo nga mahimong reference dili lang sa mga estudyante kung dili sa mga magtutudlo sa lugar.
Butyag ni Malungon mayor Tessa Constantino, ipang- apud apud usab ang maong mga libro sa mga barangay sa maong munisipalidad.
Dako ang gamit sa mga libro labi na sa mga lugar sa Malungon nga walay access sa internet. Kahibaloan nga naaprubahan sa local school board nakalabay nga tuig ang pagpalapad pa sa learning innovation sa munisipalidad. I Richel Gubalani
