Nagsasagawa na imbestigasyon ang US Federal Bureau of Investigation sa umano’y pagdukot kay American vlogger Elliot Eastman sa Sibuco, Zamboanga Del Norte.
Ayon sa Police Regional Office 9, binisita at kinausap na ng FBI ang asawa ni Eastman.
Sinabi ng FBI sa pulisya, na walang natatanggap na anumang paghingi ransom ang pamilya ni Eastman sa Amerika.
Kaugnay nito, tiniyak naman ng US embassy na patuloy silang nakikipag-ugnayan sa mga otoridad at sa pamilya ng biktima.
Sa kasalukuyan, sinabi ng Philippine National Police (PNP) na may person of interest na sila sa pagkawala ng naturang vlogger.
