Tiniyak ng veteran election lawyer na si George Garcia na magi-inhibit siya sa lahat ng mga nahawakan niyang kaso ng mga dati niyang kliyente na nakabinbin sa Commission on Elections.
Sinabi rin ni Garcia na hindi rin siya makikibahagi sa kaso ng mga indibidwal na nakilala niya sa kaniyang professional capacity, kahit hindi niya na-handle ang mga kaso nito dati.
Inihayag ito ni Garcia matapos kumpirmahin ng Malacañang ang appointment nila ni Aimee neri bilang commissioners ng Comelec at ni Saidamen Pangarungan bilang Comelec chairman.
Iginiit ni Garcia na ang mahalaga ay ma-implementa ang election law sa pinakatapat na paraan hangga’t sa maari.
Dati nang nirepresenta ni Garcia si dating senador Ferdinand “Bongbong” Marcos Jr. sa poll protest nito laban kay Vice President Leni Robredo.
Ibinahagi rin ni Garcia na naging abogado siya dati ng iba pang presidential contendors tulad nina Manila Mayor Isko Moreno, Senator Manny Pacquiao, at Senator Panfilo Lacson.
