Napalgang wala nay kinabuhi nga nagbuy-od sa ebike ang usa ka ex-convict kinsa gipusil-patay pasado alas 2 kaganihang kadlawn , Mayo 6 ,2024 , sa Sitio San Juan , Puntod 1 Brgy . Mambaling ning siyudad sa Sugbo.
Matud pa sa kasilingan, aduna silay nadungan nga buto sa armas, apan tungod sa tumang kahadlok, wala kini nila panumbalinga.
Pasado alas 6 kaganihang sayo sa buntag , nakit-an nalang nila si Dave Sardido nga wala nay kinabuhi nga nagbuy-od sa usa ka ebike ug giingong sud gawas na sa prisohan si Sardido.
Nagtuo lang ang mga silingan nga natulog lang kini sa ebike apan sa ilang pakisusi aduna nay dugo nga nagtulo gikan sa ulo niini.
Sa wala pa ang hitabo, giingong si Sardido nigawas sa iyang balay tungod sa kaalimuot hinungdan nga natug kini sa motor sa iyang balay , apan kalit lang nga nibunok ang uwan , nibalhin kini sa ebike diin gituohang nahitabo ang pagpamusil.
Ang maong gipusil sud-gawas napud sa prisohan, kinsa bag-o lang nga nakagawas niadtong Enero sa niaging tuig sa kasong kalapasan sa RA 9165 o ang Comprehensive Dangerous Drugs Act of 2002.
Base sa inisyal nga imbestigasyon sa kapulisan ,adunay 2 ka responsable sa pagpamusil og karun padayon pa ang gihimong hot pursuit operation sa kapulisan sa Mambaling Police Station arun sa pagsikop sa mga suspetsado.
Gitan-aw sa kapulisan sa mambaling nga ang motibo sa pagpamusil nga adunay kalambigitan sa pagpanambling sa illegal nga mga drugas. | Sheila Mae Altubar