Patay ng napalgan ang usa ka exconvict nga nag buy-od sa yuta alas 11:50 kagabii didto sa Sitio Agpasan, Brgy. Binaliw, dakbayan sa Sugbo.
Ang biktima giila nga si Dante Cola 40 anyos ulitaw residente sa Sitio Yellow Bells Barangay Panoypoy Lungsod sa Consolacion.
Matud pa ni Police Major Alvin Enguito Hepe sa Talamban Police Station mibutyag nga naka dawat sila og tawag gikan sa Barangay Tanod sa dapit nga adunay patay lawas nga napalgan sa lugar.
Sa ilang pag abot ilang nakita nga ang biktima nag buy-od sa yuta ug nag kadugo ang ulo og ang lawas ug adunay kutsilyo nga gitas-on nga 15 pulgadas nga napalgan duol sa patay nga lawas sa biktima.
Dugang pa ang biktima kanhi binilanggo sa kasong rape og 16 ka tuig kini sa prisohan.
Matud pa ni Major Enguito nga ang biktima adunay samad dinonggaban sa iyang lawas ug ang ulo giingong gidakdakan ug dagkong bato nga maoy hinongdan sa hinanaling kamatayon.
Dugang pa ni Major Enguito nga naa na sila’y person of interest sa kamatayon sa biktima apan wala una kini nila gibutyag kay nag padayon pa ang ilang imbestigasyon. | Romeo Marantal